Shikimi i fëmijëve

Si zhvillohet shikimi i fëmijës tuaj?
Shpjegime dhe disa këshilla.

Si formohet shikimi?

Si zhvillohet shikimi i fëmijëve?

Lindja: shikimi është i paqartë (5% e shikimit të një të rrituri) dhe bardh & zi. I porsalinduri shikon sidomos objektet me shumë kontrast nga afër dhe fusha e tij e shikimit është ende shumë e vogël.

2-3 muaj: Foshnja mund të fiksojë shikimin e saj, të ndjekë fytyrën e nënës së saj, pastaj objektet, ajo i përgjigjet buzëqeshjeve. Ajo percepton dhe dallon ngjyrat.

3-9 muaj: Të dy sytë mësojnë të bashkëpunojnë, ç’ka i mundëson foshnjeve të shikojnë relievin (3D). Ai fillon të perceptojë detajet.

1 vit: Shikimi është akoma i paqartë, i vlerësuar mes 30-40% e shikimit të të rriturit. Koordinimi mes syve dhe duarve të fëmijës përmirësohet.

4 vjeç: Retina është plotësisht e zhvilluar, por shikimi nuk është akoma më shumë se 60%.

7 vjeç: Shikimi përputhet me atë të një të rrituri (100%), por zhvillimi i tij fundor vazhdon ende.

Si t’i zgjedhim syzet e fëmijëve?

«Bota» e fëmijëve është përpara tij, por edhe shumë lart tij: ai ngre sytë për t’ju parë, për shembull. Për më tepër, ai lëviz më shumë se një i rritur!

Tre elementë të domosdoshëm:

  1. Xhama të mëdhenj që fëmija të shikojë gjithmonë përmes tyre, edhe kur sheh lart
  2. Një mbështetje të mirë pas veshëve
  3. Një mbështetje e mirë tek hunda që syzet mos rrëshqasin

Kujdes nga dielli!

Lentia e syrit, kristalini është transparent deri në moshën 9 vjeçare dhe nuk mbron syrin nga rrezet e diellit. Prandaj fëmijët duhet të venë syze dielli, për shembull kur ekspozohen shumë në diell, afër një liqeni ose në mal për shembull.